Алматы әкімі Ерболат Досаев «Жайлы мектеп» ұлттық жобасының іске асырылу барысымен танысты

«Жайлы мектеп үш қабатты болады, асхана төменгі қабатта, яғни жертөледе орналасады. Аумақта үлкен стадион қарастырылған. Жаңа нақты жоспарға сәйкес осыған дейін қарастырылған тұрақ орнына жасыл желектер отырғызылады. Автокөліктер үшін бөлек тұрақ болады. Нысанды ағымдағы жылдың соңына дейін тапсыруды көздеп отырмыз»,- Амангелді Саттаров

Құрылыс алаңындағы жұмыстар танысқан қала әкімі мектепті кіреберіс жолдармен және автотұрақпен қамтамасыз ету барысында қауіпсіздік шараларына баса назар аудару қажеттігін атап өтті. Бұл ретте жылдамдық режимін шектеу енгізіліп, жаяу жүргіншілер өткелдері жабдықталады. Сондай-ақ, Ерболат Досаев нысанның инженерлік желілерін жалпықалалық желілерге уақтылы қосу және көрсетілген мерзімде құрылысты аяқтау қажеттігін жеткізді.

Ұлттық жоба игілігін Медеу ауданының «Думан», «Думан-2», «Атырау», «Кеңсай» және «Алатау» шағын аудандарында тұратын балалар көрмек. Жаңа білім ошағы аталған шағын аудандарда орналасқан қолданыстағы үш - №98, 99 және 64 мектептердің жүктемені айтарлықтай төмендетуге мүмкіндік береді.

Еске сала кетейік, Алматыда Президент бастамасымен «Жайлы мектеп» ұлттық жобасы аясында 36800 оқушыға арналған 22 мектеп салынуда. Оның 13-і «Samruk-Kazyna Construction» АҚ тапсырысы бойынша жүзеге асырылып жатыр.